Stjörnugolf - Golf til góðs!

Þetta er frábært framtak hjá Ágústi og NOVA og vona ég að sem flestir mæti og taki þátt í Golfi til góðs!  Að spila golf er skemmtilegt en að gera það til styrktar hjartveikum börnum er enn skemmtilegra.  Á ári hverju greinast um 70 börn með meðfæddan hjartagalla og þarf um helmingur þeirra að fara erlendis til hjartaaðgerðar og get ég sagt að það er ekki auðvelt að fara utan með barn sitt í erfiða aðgerð.  Sonur okkar Valur Pálmi fór tvívegis til London í aðgerð í fyrra skiptið var hann einungis tveggja mánaða gamall og var það mjög erfið ferð fyrir hann vegna þess hve veikur hann var orðinn og svo var haldið aftur daginn eftir árs afmælið hans.  Í dag er Valur hins vegar á góðu róli og æfir samkvæmisdansa hjá Dansskóla Jóns Péturs og Köru. 

Mig langar að hvetja alla að taka þátt í þessari fjáröflun Neistans og þeir sem spila ekki golf endilega hringið í 908-1000 og gefið þar með 1.000 kr. til Neistans.

Valur Pálmi aðeins tveggja mánaða gamall á Gr. Ormond Street hospital í London (júlí 1995). 

 

 

Valur Pálmi eins árs á Harley St. Clinic í London (júní 1996). 

 

 

 

Valur Pálmi og Natalía Lind í sveiflu á danskeppni í Kaupmannahöfn fyrr á þessu ári.  En þrátt fyrir hjartagallan og galla í ónæmiskerfi þá getur hann samt sem áður stundað samkvæmisdansa en fer hægar í æfingar en þeir krakkar sem hann æfir með.

 

 

 Stöndum saman og styrkjum Neistann!

Stjörnufans í stjörnugolfi

Hópflug helgarinnar

Jæja við feðgar skruppum í eitt hópflugið um helgina en það var Félag Íslenskra Einkaflugmanna sem stóð fyrir Safnaflugi.  Byrjað var á því að fara að Forsæti þar sem þeir bræður Albert og Ólafur búa ásamt fjölskyldum sínum.  Á myndinni hér fyrir neðan er t.d. vagnhjól sem Ólafur smíðaði og af þessu og fleiri munum er ekki hægt að segja annað en að þar sé listamaður í höndunum.   Safnið sem þeir eru með heitir Tré og List og hvet ég alla sem leið eiga um suðurland að kíkja í heimsókn á safnið, það verður enginn svikinn af þessumlistaverkum sem þar eru.  

Hér er ketill sem Ólafur smíðaði á síðasta ásamt skartgripaskríni sem hann gaf eiginkonu sinni í jólagjöf. 

Endilega kíkið á heimasíðu safnsins www.treoglist.is

Það voru fimm flugvélar sem fóru að Forsæti en það voru TF-STR sem við vorum á, TF-BAA Jói og Dísa ásamt gestum, TF-FTP bróðir Jóa (man ekki hvað heitir) ásamt farþega, TF-FUN Silli og sonur og svo TF-LDS Capt. Dagfinnur Stefánsson.

Frá Forsæti var ferðinni heitið út í Eyjar að skoða Pompei Norðursins, eins og smá má á myndinni hér fyrir neðan þá voru skýja druslur í ca 2000 fetum og fórum við þess vegna í 2300 fet á leið okkar út í Eyjar.

 

Við röltum okkur frá flugvellinum niður að Gerðisbraut þar sem bloggvinurinn Gísli Hjartar (Gilli) tók á móti okkur, það var nú smá mórall að taka hann af leiknum því ÍBV og KA voru að eigast við en ÍBV vann leikinn 1-0 og eru þar af leiðandi í fyrsta sætinu í 1. deild, en þar sem Gísli náði markinu þá var þetta nú í lagi.  Þessar fallegu myndir hér fyrir neðan tók Valur Pálmi en hann og Gulli eru báðir með mikla mynda dellu.

     

     

Hér fyrir neðan eru svo nokkar myndir af verkefninu Pompei Norðursins en það byggist á því að grafa upp nokkur hús sem fóru undir ösku í Vestmannaeyja gosinu 1973.  Fyrsta húsið sem byrjað er á átti æsku vinur minn Viðar Einars málari heima í ásamt fjölskyldu sinni.

  Hér er vestur gafl hússins að Suðurvegi 25.  Svo á myndinni vinstramegin er hópurinn ásamt gædinum okkar Gísla Hartarsyni.   Nú eru uppi hugmyndir að reka niður stálþil til að auðvelda uppgröftinn.  Eftir að hafa séð það sem búið er að gera þá er ég mjög hlynntur þessu verkefni og held að Eyjarnar eigi eftir að fá fullt af ferðamönnum sem vilja sá þetta verkefni.

   Frá Eyjum var stefnan tekin austur á Skógasand þar sem við fórum að skoða Mynja- og Samgöngusafnið og er það ótrlúlegt kraftaverk sem hann Þórður gamli á Skógum hefur gert fyrir þetta svæði, því miður vorum við í smá tíma þröng þannig að við verðum að koma aftur til að skoða það betur en hér fyrir neðan eru nokkrar myndir frá Skógum.

Þetta er skrifstofa Þorsteins Erlingssonar skálds en hann var frá Hlíðarendakoti í Fljótshlíð. 

 

    

Hér er mynd af gömlu brúnni sem var yfir Jökulánna á Sólheimasandi en hún var jafnan kölluð "Fúlá" þar sem það kom svo vond lykt af ánni.

 

  Hér er svo í lokinn ein loftmynd af bústaðnum hans Helga Gunnars Eyjamanns.

Þetta flug var í alla staði frábært þó svo að við hefðum viljað fá fleiri vélar til að taka þátt.

C-GTVB

Jæja þá náði Reymond á Bónönzunni til Reykjavíkur í þessu líka frábæra veðri, sagði hann að ferðin hefði gengið mjög vel enginn ókyrrð og lítilsháttar meðvindur en groundspeed hefði verið um 180-200 kts.  Hér var stoppað í rúma klukkustund og tókum við hann í smá sightseen um fluggarðana og svo var tankað og fengið auka súrefni og haldið svo af stað til Færeyja.  Svo er planið að stoppa í nokkra daga á leiðinni til baka í lok júlí.

Gulli smellti þessari mynd af okkur áður en hann hélt af stað til Vagar.

C-GTVB á leið til Íslands

Ég kíkti inn á flightaware áðan og sá að Raymond og frú væru á leiðinni til Sondre Stromfjord og áttu um 17 mínútur ófarnar.

  þarna má sjá trakk vélarinnar og er hún í 17.000 fetum og á 195 kts.   Áætlað er að þau hjón haldi áfram frá Reykjavík til Færeyjar á morgun.

TF-VKA

Til hamingju Kristján.

Þetta er frábært að sjá þessa vél í loftinu enda Kristján búinn að eyða miklum tíma í vélina. 

Hannaði og smíðaði eigin flugvél

Fyrsta hópflug sumarsins.

Í gær fórum við feðgar ásamt tengdaforeldrum og nokkrum Geirfuglum í hópflugi til Blönduós þar sem heimamenn tóku fagnandi á móti okkar.  Við fórum í svipað flug fyrir tveimur árum að sumra sögn en það voru víst orðin fjögur og þess þá mikilvægara að skreppa norður.  Við sem fórum frá Reykjavík voru TF-STR, TF-NEW, TF-MAX, TF-LMB og TF-SKN flogið var inn Hvalfjörð og stefnan tekin á Holtavörðuheiðina, Arnarvatnsheiði og beint á Blönduós (BIBL)

 Víðihlíð, hver kannast ekki við það?

 Jæja komnir á Blönduós

 Þarna eru höfuðborgarvélarnar mættar á Blönduós.

 Jæja þá er það flugtak frá BIBL og stefnan tekinn á Gjögur.

 Flogið út Hrútafjörð

    Á stuttri lokastefnu á Gjögri (BIGJ)

 Landslagið á Vestfjörðum er magnað en þó var ókyrrðin í lofti orðin þreytandi.

Hótel Grænahlíð, staður sem sjómenn þekkja vel.

Í dag verða settar inn fullt af myndum frá hópfluginu á myndasíðu okkar en tvíbbarnir Valur og Gulli voru mjög duglegir að mynda í ferðinni og svo tók Einar fullt upp á video.

http://public.fotki.com/valur/flug/flug-2008/hpflug--blndus-gjgu/