Alltaf leiðinlegt

Já flugóhöppin eru alltaf leiðinleg en þó er það betra þegar ekki verða slys á fólki.  Ég vona að vélin TF-RLR bjargist áður en veðrið versnar því þetta er skemmtileg vél.  Að lenda á ísilögðu vatni held ég að sé frábært, það er eitthvað sem ég á enn eftir að prófa.  Læt hér fylgja með myndir sem einmitt voru teknar á Úlfsvatni fyrir tveimur árum.

   

Á bls. 2 í Morgunblaðinu í dag er frétt um þetta flugóhapp og þar stendur ranglega "Engan sakaði þegar heins hreyfils flugvél af gerðinni TF-RLR hlekktist á á Úlfsvatni"  Flugvélin er af gerðinni Cessna Hawk XP en ber einkennisstafina TF-RLR.

Athugasemdir

[gudni.is, 29.12.2007 kl. 20:46]

Flugvél af gerðinni TF-RLR...Já!  Þeir eru góðir á Mogganum.  Veistu Valur hvort að það náðist að bjarga RLR úr/af vatninu í dag?

[Valur Stefánsson, 29.12.2007 kl. 20:56]

Sæll Guðni.

Já ég flaug yfir í dag og þá voru þeir að setja hana á vörubíl.  Ætli þeir fari ekki með hana niður í Húsafell.

Kveðja og Gleðilegt Árið.

[gudni.is, 30.12.2007 kl. 02:40]

Ég var einmitt að fá sendar ljósmyndir rétt áðan frá björgunaraðgerðunum í dag. Steinríkur (LHG þyrlan) var að hífa hana upp og færa hana eitthvað þarna á milli, tignarlegt að sjá og það eru ekki miklar skemmdir að sjá á RLR svona í fljótu bragði séð.